Everyone

tc byte

KitKat

Hiche website hi KWC kiti Kuki Writers Club tia kimin vo club neokhat tichu namsung a thusim jeh a social media ho a nitin a hin post ho kigop khom nanoi a hung kibol ahi. KWC in adoi le atup pen tah chu namsung a khangthah khanglui internet mangthei jousen a phone u hihen computer hijong le thusim ho nomsel a akisim thei uva kipa le lungmon na aneithei diu kidei najal a hung kibol ahi,

Thusim kiti hi namsung a ding a gou khat a inei thei diu jong akidei in, asun hon phat le tha lungthim lut tah a asem u ahitoh lhon a kholkhom a manchah jing ding. Thusim khanglui hihen khangthah a hijong le asang aja in kikoi diu hi akitup pipen tah khat ahi toh lhon a mipi in jong thusim sun ho ingel khoh diu ti hi angaicha tah khat ahi.

THUSIMBU WEBSITE AHUNG KISEMDOH DAN LE KUKI WRITER’S CLUB (KWC) HUNG KIPHUDOH DAN CHOMKIM

Namsunga khangdong thusim sun tampi aum tan ahi. Ahin thusim sunho hi atamjon amin mei mei, ti chu doi le tup neilouva sim ding mei meiya sun tampi aum tan ahi. Hiche ho chun thusim asun un, Social Media a aso chaiyuleh abei ji tan khonung khomaa ama dingleh namsunga aphat chomna ding aumpon ahi. Khanglui thusim tampi ineihou jong hitobanga akoina kitup ineilou jeh un amang tampi aume. Chule eihon imil tah jeh uvin namdang hon ithusim hou phalna beiyin akilah un, amaho pohdoh dana seijong tampi aumin ahi.

Achesa Pakai kum November lha chun Crosby Haokip in athusim jih ho kholtup ding adeisah jalin WordPress site mang chan athusim ho upload abol jin hichu ama changval bou ahijehin amasanga thusim sun masa ho: M Lalcha Haokip, TangpaMinneo, Puldou Chon, Boimang, Ginneo chule adang dang hotoh ahung kihoutoh dung juiyin, website khat sem utin thusim ineihou akhang khanga mang talou dingin koikhom ute, tin kinoptona ahin neiyun, Website langa thepna nei TC Baite toh kitho khomin “Thusimbu” website chu nisim 20, July, Pakai kum 2019 chun Kuki Writer’s Club(KWC) in KIC Complex, DHQ Tuibong a CSO lamkai chom chom ho pannan thusimbu website hondohna kin aneiyun ahi.
Hiche kin’ah Guest a pangho chu ahile:
1. Chief Guest: Pu James Hangshing, SDO Singghat
2. Guest of Honour: Pu Daniel Gangte, Prez KIC(Boina aneijeh a hung lhathei lou)
3. Functional President: Pu Paojangam, V. President KKL-GHQ

4) Kithempu: Rev. Dr. Paotinthang Chongloi, Pastor KBC C/C Tuibong ahiuve.

Hiche nikho ma ma chun CSO lamkai, KIC, KSO CCPur chule adang danghon KWC hi thusim jih ho kiloikhomna ahi, ti hetpehna aneiyun ahi.

KWC in WhatsApp le Facebook group akineiyin bailam tah a “THUSIMBU.COM” tia muthei ahi. Chule Admin se se “Staff” tin akikiloikhom in, tuchana Staff ho le apanmun hou anoiya hin anaveute.

KWC STAFF AND DESIGNATION

1) M. Lalcha Haokip
-Advisor cum Writer
2) Chochon Singson
-Advisor cum Writer
3) TC Baite
-Website Administrator
4) Crosby Haokip
-Convenor/ Editor
5) Tangpa Minneo Doungel
-Writer/Member
6) Puldou Chon Haokip
-Writer/Member
7) Ginneo
-Writer/Member
8) Boimang Haokip
-Writer/Member
9) Ngamtinthang Tuboi
-Writer/Member
10) Sasat Baite
-Writer/Member
11) Boinu Vaiphei
-WhatsApp Administrator
12) Naocy Haokip
-WhatsApp Administrator

Chule muntin a um lekha jih lama hetgilna le thepna neihon khangdong lekha jih thanom ho hohi phatah a atosot uva ahil them diu deisah na lentah ahi.


Thusimbu

Latest Version of Thusimbu